Калифорния штатындағы Касл-Пик тауында болған қар көшкіні салдарынан қаза тапқандар саны тоғызға жетті.

Құтқарушылар көшкіннен кейін із-түзсіз жоғалған тоғызыншы шаңғышының денесін тапты. Жалпы 15 адам қар астында қалған. Олардың алтауы – төрт ер адам мен екі әйел – құтқарылды.

The New York Times басылымының хабарлауынша, көшкін 17 ақпанда болған. Алты адам смартфондарындағы SOS функциясын пайдаланғаннан кейін құтқарылған. Тірі қалғандар құтқарушыларды үш адамның мәйіті жатқан жерге бастап барған. Кейін тағы бес шаңғышының денесі табылған. Тоғызыншы құрбанның денесі іздеу жұмыстары басталғаннан бір апта өткен соң анықталды.

Барлық 15 шаңғышы Касл-Пик аумағында жабайы табиғатқа жасалған саяхатты аяқтап жатқан топ мүшелері болған. Олардың арасында төрт кәсіби гид және бұл өңірге жиі келетін достар тобы болған. NYT деректеріне сәйкес, аймақта қатты қар бораны болжанған және саяхат басталар алдында жоғары деңгейдегі көшкін қаупі туралы ескерту жарияланған.