АҚШнинг Калифорния штатида “Дикси” деб номланган ўрмон ёнғинлари кузатилмоқда. Ушбу офат штат тарихидаги энг даҳшатли ёнғинлардан бирига айланди, дея хабар берди San Francisco Chronicle сайти.

Аланга 202 минг гектардан ортиқ майдонни қамраб олган. Оқибатда 1027 та бино, жумладан, 547 та якка тартибдаги уй, саккизта кўп қаватли мажмуалар, 131 та нотижорат объекти, саккизта савдо ва турар-жой бинолари ҳамда 333 та қўшимча қурилиш бинолари зарар кўрган.

14 июль куни бошланган ёнғин штатнинг бир қанча округларига тарқалган. Ёнғин оқибатида уч нафар қутқарувчи жароҳат олган.