АҚШ-тың Калифорния штатында жылдам таралып жатқан орман өртіне байланысты төтенше жағдай жарияланды.

Бұл туралы губернатор Гэвин Ньюсомның ресми сайтында хабарланды. Оңтүстік Калифорнияда 30 мыңға жуық адамды эвакуациялау бұйырылған.

Лос-Анджелестегі өрт сөндіру басқармасының мәліметінше, көптеген үй зақымданған, 10 мыңнан астам тұрғын үй қауіптің астында қалған. Күн бойы өрт аумағы 5,1 шаршы шақырымды құраған.