АҚШ-тың Калифорния штатындағы Уотсонвилл қаласында екі шағын ұшақтың соқтығысуы салдарынан бірнеше адам қаза тапты.

San Francisco Chronicle газетасының мәліметінше, қонуға келе жатқан екі ұшақ (Cessna 152 мен Cessna 340) әуежай үстінде соқтығысқан. Олардың бірінде екі адам, екіншісінде бір ұшқыш болған. Алдын ала мәлімет бойынша, үшеуі де көз жұмған.

Қалалық әкімдік әлеуметтік желіде жариялаған суретте аэродромдағы ангарға құлаған ұшақтардың бірінің сынықтары көрсетілген.

Апатқа не себеп болғаны белгісіз. Қазіргі уақытта тергеу жүріп жатқаны хабарланды.