Davlat kadastrlari palatasi Qashqadaryo viloyati Yakkabog‘ tumani filiali uchun ikki qavatli zamonaviy bino qurilib, foydalanishga topshirildi.

Tantanali ochilish marosimida Davlat kadastrlari palatasi raisi, boshqarma boshliqlari, OAV vakillari, filial rahbarlari va jamoatchilik vakillari ishtirok etib, binoda yaratilgan sharoitlar bilan tanishdi.

Binoda jami 15 ta xona mavjud bo‘lib, shundan 1 ta majlislar zali, 1 ta arxiv ma’lumotlari saqlanadigan xona va 1 ta Ma’naviyat xonalari qurilib, zamonaviy mebellar bilan jihozlandi. Aholiga sifatli va samarali xizmat ko‘rsatish uchun filialda barcha sharoitlar yaratilgan.

Endilikda tuman kadastr bo‘limi va filialining 33 nafar kadastr xodimi zamonaviy, barcha qulayliklarga ega binoda faoliyat olib boradi.

O‘lmas Barotov, O‘zA