Кўкламнинг бир куни йилни боқади
Ўлкамизда баҳор нафаси кезиб юрибди. Табиат аллақачон уйғониб, олам тобора гўзалликка бурканмоқда.
Ўлкамизда баҳор нафаси кезиб юрибди. Табиат аллақачон уйғониб, олам тобора гўзалликка бурканмоқда. Қимирлаган жон борки кўклам ташвишида. Зеро, халқимиз кўкламнинг бир куни йилни боқади, деб бежиз айтишмаган.
Ғанимат кунларнинг қадрини билган асл деҳқонларимиз, омилкор томорқа эгалари ўз ихтиёридаги ерларда экин-тикин ишларини аллақачон саришта қилиб, томорқасига эҳтиёжи учун зарур бўлган маҳсулотларни парвариш қилмоқда.
Бугун Навоий шаҳрида ҳам томорқадан самарали фойдаланиш бўйича тизимли ишлар олиб борилмоқда. Шаҳарда мавжуд 31 та маҳалла фуқаролар йиғинининг 9 тасида фуқаролар ҳовлида яшайди. Хусусан, шаҳарнинг “Ҳаёт” маҳалласида ҳам бугун ҳаёт қайнаган. Маҳалла аҳли ҳозирда картошка, помидор, бодринг ҳамда турли кўкатлар, зираворларни ҳам мунтазам равишда парваришлаб келмоқда.
