Соғлиқни сақлаш вазирлигининг Жаҳон соғлиқни сақлаш ташкилоти маълумотларига асосан берган хабарига кўра, дунёда коронавирус инфекциясини юқтирганлар сони 166 миллион 860 мингдан ортиқни ташкил этмоқда, шундан 3 миллион 459 мингдан зиёд киши вафот этган (24.05.2021 йил Европа вақти билан соат 14:50 ҳолатига кўра).

Охирги сутка давомида дунёда коронавирус инфекцияси билан касалланишнинг 508 074 янги ҳолати аниқланди. 10 807 нафар бемор вафот этди.

Жонс Хопкинс университетининг ҳозирги (25.05.2021 йил Тошкент вақти билан соат 14:20 ҳолати) маълумотларига кўра, дунёда касалликни 167 миллион 345 мингдан ортиқ одам юқтирган, улардан 3 миллион 474 мингдан ортиғи вафот этган.

Касаллик тасдиқланган ҳолатлар бўйича:

АҚШ биринчи ўринда турибди, у ерда ЖССТ маълумотларига кўра 32,783 миллиондан ортиқ коронавирус инфекциясини юқтирганлар аниқланган.  

Иккинчи ўринда Ҳиндистон (26,752 миллиондан ортиқ), учинчи ўринда Бразилия (16,047 миллиондан ортиқ), тўртинчи ўринда Франция (5,820 миллиондан ортиқ), бешинчи ўринда эса Туркия (5,186 миллиондан ортиқ).

Жонс Хопкинс университетининг ҳозирги маълумотларига кўра, дунё бўйича коронавирусга қарши 1 миллиард 702 миллиондан ортиқ доза вакцина қўлланилган.