Жаҳон соғлиқни сақлаш ташкилоти (ЖССТ) келаётган куз ва қиш мавсумида одамларни “омикрон”дан ҳимоялаш учун вакцинациялашни кенгайтириш ва ниқоб тақиб юришни рағбатлантириш маслаҳатини бермоқда, деб ёзмоқда РИА Новости ташкилотнинг Европа бюроси берган маълумотига таяниб.

"Эпидемиология билан боғлиқ вазият мамлакатдан мамлакатга фарқланади ва келаётган куз  ва қиш учун тайёргарлик доирасида ЖССТ мамлакатларни инфекция тарқалиши оқибатларини юмшатишга қаратилган чора-тадбирларни кўриб қўйишга ва ўзларининг соғлиқни сақлаш тизимига босим қучайишига тайёр туриши кераклигини таъкидлайди", - дейилади экспертларнинг келтирган  изоҳларида. 

Экспертларнинг таъкидлашича, келаётган куз ва қишда одамларни ҳимоялаш учун аҳолини бустер дозаси билан вакцинациялаш керак бўлади. 
ЖССТнинг маслаҳат беришича, одамлар ёпиқ хоналарда, транспортларда  ниқоб тақиб юришни канда қилмаслиги лозим, шунингдек, кўп одам тўпланадиган жойларда ҳаво айланиши таъминланган бўлиши керак.