Maymun chechagi bilan bog‘liq qariyb 14 mingta holat jahonning 70 dan ortiq mamlakatida qayd etildi, deb ma’lum qildi chorshanba kuni Jahon sog‘liqni saqlash tashkiloti (JSST) bosh direktori Tedros Adxanom Gebreyesus.

 "Ayni damda beshta o‘lim ro‘yxatga olingan, qurbonlarning barchasi Afrika mintaqasidan", – dedi JSST rahbari  jurnalistlar uchun uyushtirgan brifingda.   

Uning ta’kidlashicha, kasallik yuqtirganlarning ko‘pchiligi Yevropadan.   

Mayman chechagi odamdan odamga yuqadigan virusli infeksiya hisoblanadi. Odatda kasallik oson kechadi va aksariyat bemorlar bir-ikki haftada tuzalib ketadi.