Маймун чечаги билан боғлиқ қарийб 14 мингта ҳолат жаҳоннинг 70 дан ортиқ мамлакатида қайд этилди, деб маълум қилди чоршанба куни Жаҳон соғлиқни сақлаш ташкилоти (ЖССТ) бош директори Тедрос Адханом Гебрейесус.

 "Айни дамда бешта ўлим рўйхатга олинган, қурбонларнинг барчаси Африка минтақасидан", – деди ЖССТ раҳбари  журналистлар учун уюштирган брифингда.   

Унинг таъкидлашича, касаллик юқтирганларнинг кўпчилиги Европадан.   

Майман чечаги одамдан одамга юқадиган вирусли инфекция ҳисобланади. Одатда касаллик осон кечади ва аксарият беморлар бир-икки ҳафтада тузалиб кетади.