ЖССТ: маймун чечаги хавфини ўрганиш учун фавқулодда вазиятлар қўмитаси вакиллари бирлашади
Жаҳон соғлиқни сақлаш ташкилоти сайтида дунёнинг 39 мамлакатида маймун чечаги касаллиги аниқлангани тўғрисида хабар берилди.
Ташкилот инфекция тарқалишини муҳокама қилиш учун фавқулодда вазиятлар қўмитаси вакилларини бирлаштиришга қарор қилган.
ЖССТ Бош директори Тедрос Аданом Гебрейесус таъкидлашича, маймун чечаги эпидемиясининг суръати хавотирли. Қўмита маймун чечаги дунё аҳолиси учун хавф туғдирадими, деган саволга жавоб топади, деган умидда.
Тузилма вакиллари касалликни оммавий эмлашга ҳожат йўқлигини айтмоқда. Эслатиб ўтамиз, 2022 йил бошидан буён 39 мамлакатда 1,6 минг кишида вирус аниқланган.
ЎзА