2021/2022 ўқув йили учун Адлия вазирлигининг юридик техникумларига абитуриентларни тўлов-контракт асосида ўқитиш бўйича қабул параметрлари тасдиқланди.

Унга кўра, жорий йилда республикадаги 14 та юридик техникумга жами 3180 нафар ўқувчи қабул қилинади. Шундан кундузги таълим шаклига 1950 та ва сиртқига 1230 та ўрин ажратилган.

Шунингдек, юридик техникумларга ҳужжатларни қабул қилиш 2021 йил 1 августдан 20 августга қадар (20 август куни ҳам) давлат хизматлари марказлари, Ягона портал (www.my.gov.uz) ёки Давлат тест марказининг расмий веб-сайти (www.dtm.uz) орқали амалга оширилади.

Маълумот учун: техникумларга умумтаълим мактабининг 11-синфини ёки ўрта махсус (академик лицей), касб-ҳунар таълим муассасаси (коллеж)ни тамомлаган фуқаролар ҳужжат топшириши мумкин.

Файзулло Яҳёев, ЎзА