Қорақалпоғистон Республикаси Жўқорғи Кенгеси раиси Аманбай Оринбаев олий ўқув юртларидаги фаол талаба-ёшлар билан учрашди.

Унда Жўқорғи Кенгес раиси дастлаб сўнгги йилларда Президентимизнинг Қорақалпоғистонга бўлган алоҳида меҳри ва эътибори билан алоҳида қабул қилинган фармон ва қарорлар, шунингдек, шу асосда амалга оширилаётган эзгу ишлар, ҳаётимизга кенг татбиқ этилаётган ислоҳотларга тўхталди. Шунингдек, учрашувда амалий чора-тадбирлар аниқ тасдиғи билан кўрсатилиб, бугунги кунда давом эттирилаётган ишлар, шунингдек, келгусидаги режалар ҳақида сўз юритилди.

Шуни ҳам алоҳида таъкидлаш керакки, яқин қисқа вақт ичида Қорақалпоғистонда чин маънода тарихий воқеалар юз берди. Фақат Қорақалпоғистон аҳолиси ва тадбиркорлари, жамиятнинг барча қатламлари учун илгари бўлмаган имтиёзлар ҳамда кенг имкониятлар яратилди.

Шундан сўнг, ёшлар билан яқиндан фикр алмашилиб, улар томонидан кўтарилган ҳар бир масаланинг ижроси белгилаб олинди.

Учрашув якунида жамоат ишларида фаол иштирок этиб, кўпчиликка намуна бўлаётган бир қатор ёшлар Қорақалпоғистон Республикаси Жўқорғи Кенгесининг Фахрий ёрлиқлари билан тақдирланишди.

Довуд Абибуллаев,

ЎзА мухбири