Жоғары білім, ғылым және инновациялар министрі Ибрагим Абдурахмановтың жетекшілігімен министрлік жанындағы Білім мен дағдыны бағалау агенттігінің қызметіндегі жүйелі мәселелер мен оларды шешу жолдары жөнінде кеңес өтті.

Онда 2023/2024 оқу жылына республиканың жоғары оқу орындарына түсу үшін тест сынақтарын ұйымдастыруға байланысты атқарылып жатқан жұмыстар талқыланды.

Хабарда айтылуынша, тест сынақтарын өткізуге арналған жеке ғимараттардың болмауына байланысты өткізіліп жатқан кейбір тест сынақтары білім беру ұйымдарындағы оқу үдерісіне кедергі келтірмеу мақсатында аптаның демалыс күндері (сенбі және жексенбі) өткізіледі.

2023/2024 оқу жылы үшін тест сынақтарын өткізу үшін 92 жабық нысан таңдалып, олардың жоспарлары жергілікті өзін-өзі басқару органдарымен және ведомстволармен келісе отырып дайындалып, бекітілді.

Тест сынақтары өтетін 15 жалпы білім пәнінен 26520 бауырлас (қазақ, қырғыз, тәжік, түркімен) тілдерден 2400 тест тапсырмасы жасалып, сараптамадан өтті. Халық арасынан топтық қадағалауға үміткер ретінде тіркелген 8 956 үміткердің 4 мыңға жуығы іріктеліп алынып, олармен келісім-шарттар рәсімделуде.