Жомбойга янги ҳоким тайинланди
Халқ депутатлари Жомбой туман Кенгашининг навбатдан ташқари сессияси ўтказилди.
Самарқанд вилояти ҳокими вазифасини бажарувчи Адиз Бобоев иштирок этган сессияда ташкилий масала кўрилди.
Шу пайтгача Ўзбекистон Республикаси Президенти ҳузуридаги Ижтимоий ҳимоя миллий агентлиги Самарқанд вилояти бошқармаси бошлиғи лавозимида ишлаган Хуршид Назаров Жомбой тумани ҳокими этиб тайинланди.
2020 йил апрель ойидан буён Жомбой туманига Қаюм Собиров раҳбарлик қилиб келаётган эди.
Ғ.Ҳасанов, ЎзА мухбири.