Өзбекстан автокөлік жолдары комитетіне қарасты «Узавтоиулбелги» мемлекеттік унитарлық кәсіпорнының қызметінде жемқорлық жүйе әшкереленді.

Өзбекстан Республикасы Президентінің 2017 жылғы «Жол қозғалысы қауіпсіздігі жүйесін одан әрі жетілдіру шаралары туралы» қаулысына сәйкес, «Узавтоиулбелги» компаниясына тендер өткізбей жергілікті және шетелдік ұйымдармен үздік ұсыныстар арқылы өнімді сатып алу туралы келісім-шарттар жасауға ерекше рұқсат берілген.

Құқық қорғау органдары жүргізген тексерулер бойынша, МУК лауазымды тұлғалары жоғарыда аталған артықшылықтарды теріс мақсатта пайдаланып, 2021-2022 жылдары өздеріне белгілі 5 жергілікті ЖШС-мен 9 миллиард 193 миллион сумға 21 келісім-шарт жасасып, жол белгілерін жасауда және бояуда пайдаланылған өнімдерді еркін нарық бағасынан жоғары бағаға сатып алып, 2 миллиард 701 миллион сум көлемінде бюджет қаражатын талан-таражға салған.

Осы жағдайға байланысты «Узавтоиулбелги» МУК және ЖШС-ның 5 лауазымды тұлғаларына қатысты қылмыстық іс қозғалды, делінген хабарламада.