АҚШ президенти Жо Байден рақиби собиқ президент Дональд Трамп бўлган тақдирда ҳам 2024 йилги президентлик сайловларида ўз номзодини қўйишини тасдиқлади.

“ABC”га берган интервьюсида Байден: “Агар соғ-саломат бўлсам, президентликка яна номзодимни қўяман”, деб таъкидлади. Бошловчининг собиқ президент Трамп унга рақиб бўлиши эҳтимоли ҳақидаги саволига Байден: “Нега энди бу менга ҳалақит бериши керак”, деб жавоб қайтарди.

Аввалроқ Байден вице-президент Камала Харрис билан биргаликда 2024 йилги сайловларда қатнашишни режалаштираётгани маълум қилинганди.