Жиззахда “103” хизматига навбатдаги 16 та бешинчи авлод “Volkswagen Caddy” тез тиббий ёрдам машиналарининг тантанали топшириш маросими бўлиб ўтди.

Тадбирда Жиззах вилоят ҳокими ўринбосари Акмал Савурбоев, вилоят соғлиқни сақлаш бошқармаси бошлиғи Озода Маҳмудова мамлакатимизда тиббиёт соҳаси ривожига кўрсатилаётган эътибор, аҳолига сифатли тиббий хизмат кўрсатиш борасида амалга оширилаётган ишлар ҳақида гапирдилар.  

[gallery-14406]

Мавжуд эҳтиёждан келиб чиқиб, янги машиналар Бахмал, Ғаллаорол туманларига иккитадан, бошқа туманлардаги тез тиббий ёрдам бўлимларига биттадан тақсимланди.  

Қайд этиш жоизки, “Volkswagen Caddy” юқори техник кўрсаткичга эгалиги, ҳаракатланиш қобилияти юқорилиги ва ихчамлиги билан ажралиб туради.  Мазкур автомобилларни лойиҳалаш ва жиҳозлашда шифокор ҳамда беморларга имкон қадар қулайлик яратишга эътибор берилган.

<iframe width="640" height="360" src="https://www.youtube.com/embed/Un_0zwf1J3c" title="Жиззахда “Volkswagen Caddy” тез тиббий ёрдам машиналари топширилди" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Жамшид ЁРБЕКОВ (сурат-видео), ЎзA