Zarbdor tumani hokimi Zafar Ro‘ziyev “Navro‘z” mahalla fuqarolar yig‘inida bo‘lib, aholi bilan yuzma-yuz uchrashib, ularning muammolarini o‘rgandi, mahallada bunyod etilayotgan bino va inshootlar qurilishi bilan yaqindan tanishdi.

Mahallada joylashgan ko‘p qavatli uylarda istiqomat qiluvchilar uchun bolalar maydonchasi va tashqi hojatxona qurilishi borasidagi olib borilayotgan ishlarni atroflicha tahlil qildi.

Shuningdek, “Ravot” va “Oqar” MFYlarda istiqomat qiluchi kam ta’minlangan, boquvchisini yo‘qotgan xonodonlarga tuman hokimligi hamda “Saxovat va ko‘mak” jamg‘armasi tomonidan oziq-ovqat mahsulotlari tarqatilishi bilan ham qiziqdi.

***

Baxmalda tashkil etilgan tuman hokimi Musa Anarbayevning fuqarolar uchun navbatdagi sayyor qabulida sektorlar va mutasaddi tashkilotlarning rahbarlari ishtirok etdi.

O‘tkazilgan ushbu sayyor qabullar davomida aholi tomonidan ko‘tarilgan murojaatlarning ijrosi atroflicha tahlil etilib, ushbu murojaatlarning ijrosi yuzasidan mutasaddilarning axboroti tinglandi.

Jumladan, aholi murojaati asosida tumandagi “Mo‘g‘ol” qishloq fuqarolar yig‘ini hududidagi ko‘prikda amalga oshirilgan joriy ta’mirlash ishlarining ijrosi o‘rganildi.

***

Prezidentimizning joriy yil 17 iyundagi “Kamondan otish sport turini yanada rivojlantirish va ommalashtirish chora-tadbirlar to‘g‘risida”gi qarori ijrosi doirasida O‘zbekiston Respublikasi Milliy gvardiyasi Jizzax viloyati Qo‘riqlash boshqarmasi tomonidan Sharof Rashidov tumani 39-sonli umumta’lim maktabida sportning “Kamondan otish” turi bo‘yicha sport to‘garagi tashkil qilinib, kamondan otish va merganlikning dastlabki mashg‘ulotlar o‘tkazildi.

Mashg‘ulotda Jizzax viloyati Qo‘riqlash boshqarmasi xodimlari va malakali sportchilar ishtirok etib, ishtirokchilarga ilk ko‘nikmalar o‘rgatildi.

***

Zafarobod tumani “Nurafshon” MFY hududida “Obod qishloq” dasturi doirasida ichki yo‘llarni ta’mirlashda yog‘in-sochin kunlar boshlanmay mutaxassis va ishchilar kunu tun mehnat qilmoqda.

Jumladan, dastur doirasida hududning “Yashnar diyor” ko‘chasida 900 metr yo‘lga asfalt yotqizilib, sozlandi.

Shuningdek, hududning “Nakurtsoy” ko‘chasida jami uzunligi 500 metr bo‘lgan yo‘lga qum-shag‘al yotqizish ishlari amalga oshirildi.

***

Mahalla va oilani qo‘llab-quvvatlash Jizzax viloyati boshqarmasi xodimlari hamda Jizzax shahar MFY raislarining xotin-qizlar masalalari bo‘yicha o‘rinbosarlari uchun Zo‘rlik ishlatishdan jabr ko‘rgan shaxslarni reabilitatsiya qilish va moslashtirish, o‘z joniga qasd qilishning oldini olish respublika markazining viloyat xudidiy bo‘linmasida O‘zbekiston Respublikasining “Xotin-qizlar va erkaklar uchun teng huquq va imkoniyatlar kafolatlari to‘g‘risida”gi Qonunning mazmun-mohiyati yuzasidan seminar tashkil etildi.

Unda, turli ko‘rinishlar orqali fuqarolarning qonunda buzilgan huquqlari to‘g‘risidagi taqdimotlar namoyish etildi.

***

Zomin tumani Abu Ali Ibn Sino nomidagi jamoat salomatlik texnikumida o‘quv muassasasi tashkil topganiga 20 yil to‘lishi munosabati bilan bayram tadbiri bo‘lib o‘tdi.

Unda tuman hokimi o‘rinbosari S.Parmanov, Oliy Majlis Qonunchilik palatasi deputati M.O‘razaliyeva va boshqalar so‘zga chiqib, texnikum jamoasini bayram bilan tabriklab, ularning zahmatli mehnatlari doimo qadrlanishini bildirib o‘tdi.

Faol va yuqori natijalar ko‘rsatib kelayotgan pedagoglarga tuman hokimining tashakkurnomasi hamda esdalik sovg‘alari topshirildi.

***

Yangiobod tumanida yo‘llar sifatini yaxshilash hamda aholi va transport vositalari harakatlanishi uchun qulayliklar yaratish maqsadida barcha mahalla va qishloqlarda asosiy va ichki yo‘llarda ta’mirlash ishlari olib borilmoqda.

Xususan, “Sarmich” mahalla fuqarolar yig‘ini “Iskandar” qishlog‘idagi ichki xo‘jalik yo‘llari tuman “Avtoyo‘l” korxonasi tomonidan shag‘allashtirilib, soz holatga keltirilmoqda.

Bundan tashqari, tumandagi boshqa mahallalarda ham asosiy va ichki yo‘llarni ta’mirlash ishlari bosqichma-bosqich izchillik bilan amalga oshirilmoqda.

***

Xalq dardi bilan yashash, fuqarolarni har jihatdan qo‘llab-quvvatlash orqali kambag‘allikni kamaytirishga qaratilgan chora-tadbirlar bugun o‘z samarasini bermoqda.