Jizzax viloyati delegatsiyasi Orenburgda
Jizzax viloyati hokimligi delegatsiyasi rasmiy tashrif bilan Rossiya Federatsiyasining Orenburg viloyatiga bordi.
Ushbu tashrifdan ko‘zlangan asosiy maqsad – ikki tomonlama aloqalarni o‘rnatish, savdo-iqtisodiy va madaniyat sohalarida hamkorlik munosabatlarini yanada mustahkamlashdan iborat.
Tashrifning ilk kunida Orenburg viloyati hukumati raisining iqtisodiy va investitsiya siyosati bo‘yicha o‘rinbosari Ignat Petuxov hamda Jizzax viloyati hokimining o‘rinbosari Nodir Nurmatov boshchiligidagi delegatsiya a’zolarining uchrashuvi bo‘lib o‘tdi.
Shundan so‘ng delegatsiya a’zolari dasturga muvofiq “Petrovskiy” ulgurji savdo majmuasida Markaziy Osiyo, xususan O‘zbekistondan olib kelingan qishloq xo‘jaligi va mevalarning savdosi bilan yaqindan tanishtirildi.
A.QAYUMOV, O‘zA