Айни кунларда муттасил ёғаётган ёмғир ва жала Жиззах вилоятининг Бахмал, Зомин, Янгиобод, Ғаллаорол, Фориш ва Шароф Рашидов каби тоғли ва тоғолди туманларида сел келишига сабаб бўлаётган бўлса, чўл ва паст текистликлардаги шаҳар ва туманларда кўлмаклар ҳосил бўлиб, аҳоли ва техникалар ҳаракатига жиддий ноқулайликлар туғдирмоқда. Кўчалар сувга тўлиб қолмоқда.

Жумладан, Мирзачўл туманининг айрим маҳаллаларда сувлар тўпланиб, кўпқаватли уйларнинг ертўлалари ва йўлларда кўлмаклар ҳосил бўлган. Шу боис туман ҳокимлиги, фавқулодда вазиятлар бўлими ходимлари ва бошқа мутасадди ташкилотлар мутахассисларидан ташкил топган махсус гуруҳ ташкил этилди.

Аҳоли мурожаатлари асосида мурожаат қилинган жойларга зудлик билан етиб борилиб, юзага келган муаммоларни бартараф этиш чоралари кўрилмоқда.

Йиғилиб қолган сувни зовурларга йўналтириш чоралари кўрилмоқда.

<iframe width="650" height="420" src="https://www.youtube.com/embed/tloarDXd4tA" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

А.Қаюмов, Ж.Ёрбеков (видео), ЎзА