Жиноятга жазо муқаррар
Ўрганган кўнгил ўртанса қўймас. 47 ёшли Г.М. бир неча бор судланиб жазосини олган бўлсада, эски касбидан воз кечмади. Бу сафар у яқин дугоналаридан бири хатирчилик С.Ф.ни қармоғига илдирди.
Ўғлига иш қидириб юрган дугонасига ўғлини 2 миллион 300 минг сўм эвазига Навоий кон-металлургия комбинатига ҳайдовчи қилиб ишга киритиб қўйишни ваъда берди. Пулни олгач эса ваъдасини унутди.
С.Ф.нинг ҳуқуқни муҳофаза қилувчи органларга қилган мурожаатига асосан Г.М.га нисбатан Ўзбекистон Республикаси Жиноят кодексининг тегишли бандлари билан жиноят иши қўзғатилди.
А.Бўриев, ЎзА