Өзбекстан және Қарақалпақстанның халық әртісі, халықаралық деңгейде танымал опера әншісі Жеңісбек Пиязов Татарстан Республикасының халық әртісі атанды.

Бұл туралы әнші әлеуметтік желідегі парақшасында мәлімдеп, осы жаңалықпен бөліскеніне қуанышты екенін жеткізген.

«Достар сіздермен қуанышты жаңалықты бөліскім келеді. Маған Татарстан Республикасының Президенті Рустам Миннихановтың Жарлығымен Татарстан Республикасының халық әртісі атағы берілді. Ол үшін Татарстан Республикасының Президенті Рустам Миннихановқа және Мәдениет министрі Аюпова Иродаға алғыс айтқым келеді», деп жазған Жеңісбек Пиязов.