Испаниялық қорғаушы Жерар Пике «Барселона» клубынан кетіп, мансабын аяқтайтынын мәлімдеді.

Ол өзінің әлеуметтік желідегі жазбасында Ла Лиганың 13-тур аясында «Spotify Камп Ноу» алаңында өтетін «Альмерия» клубына қарсы кездесу «Барселонадағы» соңғы ойыны екенін айтқан. 

«Сіздер (Барселона жанкүйерлері) маған бәрін бердіңіздер, менің бала кездегі арманым орындалды, мен бұл кезеңді аяқтайтын кез келгенін айтқым келеді. Мен әрқашан Барсадан кейін басқа командаға өтпеймін деп айтып келемін. Осы сенбіде мен Камп Ноуда соңғы матчымды өткіземін», деген ол.

35 жастағы ойыншы «Барселона» сапында 8 рет Испания чемпионатын, 7 рет Испания кубогын, 6 рет ел Суперкубогын, 3 рет Чемпиондар лигасын, УЕФА суперкубогын және клубтар арасындағы әлем чемпионатын жеңіп алды.