ӨР Әділет министрінің орынбасары Музраф Икрамов Женевада Дүниежүзілік зияткерлік меншік ұйымының өтпелі және дамыған елдер бөлімінің директоры Хабип Асанмен кездесті.

Министрлік хабарлауынша, кездесу барысында Өзбекстанда зияткерлік меншік секторын қолдау бойынша жұмыс барысы және Өзбекстанда Президенті тарапынан қабылданған 2022-2026 жылдарға арналған зияткерлік меншік саласын дамытудың ұлттық стратегиясының мәні туралы сөз болды. 

«Өзбекстанның Дүниежүзілік сауда ұйымына (ДСҰ) кіруі жеделдетілгені, қазіргі уақытта заңнаманың Зияткерлік меншік құқығының сауда аспектілері туралы келісімге (TRIPS) сәйкестендіріліп жатқаны айтылды», делінген хабарламада.

Дүниежүзілік зияткерлік меншік ұйымына мүше мемлекеттер зияткерлік меншік саласындағы ұлттық заңнаманы жетілдіру және саланы одан әрі дамытудың стратегияларын әзірлеу бойынша жұмыс жүргізіп жатқанын ескере отырып, Өзбекстан оларды осы бағытта ынтымақтастыққа шақырды.

Хабип Асан Өзбекстанның зияткерлік меншікті дамытудың ұлттық стратегиясын жаңғырту мен жетілдіруге және зияткерлік меншік туралы ұлттық заңнаманы TRIPS келісімімен үйлестіруге жәрдемдесуге дайын екенін растаған.