Жеңілмеген неміс боксшысы Муса Ямак жекпе-жек кезінде жүрек талмасынан қайтыс болды.

Bild басылымының дерегінше 38 жасты спортшы угандалық Хамза Вандерамен жекпе-жектің үшінші раундының басталуына дейін уақытта есінен танып қалған. Спортшы шұғыл түрде ауруханаға жатқызылды, бірақ дәрігерлер оның өмірін сақтап қала алмады.

Ресми мәлімдемеге сай өлімнің нақты себебі инфаркт екені айтылған.

Муса Ямак кәсіпқой бокспен 2017 жылдан бері айналысып келеді. Осы уақыт ішінде ол сегіз жекпе-жек өткізіп, оның бәрінде жеңіске жеткен.