Өзбекстанда жедел жәрдем көліктерінің 50 пайызы электромобильдермен қамтамасыз етіледі.

Бұл ретте 2024-2030 жылдар аралығында электромобильдерді сатып алу мерзімі белгіленеді.

Мемлекет басшысының қаулысына сәйкес, Өзбекстандағы медициналық мекемелердің материалдық-техникалық базасын нығайту жұмыстары жоспарлануда.

«Халық денсаулығы-2030» стратегиясы жобасына сәйкес бүгінгі күні күрделі жөндеуді талап ететін 980 медициналық мекемеде құрылыс-жөндеу жұмыстары кезең-кезеңімен жүргізіледі.

Барлық алғашқы медициналық-санитарлық көмек көрсететін отбасылық дәрігерлік орталығы, емхана мен ауруханалар күрделі жөндеуден өтіп, сүзгіден өткен ауыз сумен толық қамтамасыз етіледі.

Жедел жәрдем көліктерінің 50 пайызы электромобильдермен қамтылатыны айтылған хабарламада.