Шу йилнинг ёзида АҚШ, Канада ва Мексика майдонларида бўлиб ўтадиган Жаҳон чемпионати атрофида кутилмаган муаммо юзага келди. The Touchline нашри тарқатган хабарга кўра, ФИФА турнир атрофида етарлича ажиотаж йўқлигидан қаттиқ хавотирланмоқда.

Турнир бошланишига атиги тўрт ой вақт қолган бўлса-да, чипталарнинг катта қисми ҳалигача сотилмаган. Ташкилот раҳбарияти нима учун қизиқиш бу қадар паст эканлигини тушуна олмаяпти.   

Эслатиб ўтамиз, бу йилги мундиал 48 та жамоа иштирок этадиган илк кенгайтирилган Жаҳон чемпионати сифатида тарихга киради. Лионель Месси бошчилигидаги Аргентина терма жамоаси эса ўз чемпионлик унвонини ҳимоя қилиши керак.

Карим Худойқулов, ЎзА