Jazoir Prezidenti mamlakat BRIKSga qo‘shilishga tayyor ekanini ma’lum qildi
Jazoir BRIKSga qo‘shilishga tayyor, dedi Respublika Prezidenti Abdulmajid Tebbun.
Al Mayadeen kanalining yozishicha, Tebbun "Jazoirda BRIKSga qo‘shilish uchun qariyb barcha sharoit bor. Mamlakat ushbu tashkilotga qo‘shilishdan o‘ta manfaatdor", – degan.
Ayni paytda BRIKS iqtisodiy birlashmasiga Braziliya, Rossiya, Xitoy, Hindiston va Janubiy Afrika Respublikasi a’zo hisoblanadi.
Iyul oyida Nigeriyaning Rossiyadagi elchisi Abdullaxi Shexu ham o‘z mamlakati yaqin istiqbolda mazkur tashkilotga a’zo bo‘lishi mumkinligi haqida ma’lum qilgan edi.
Bundan tashqari, Indoneziya, Turkiya, Saudiya Arabistoni, Misr hamda Argentina davlatlari ham BRIKS eshigini qoqayotgani haqida xabar tarqalgan.