Ҳиндистоннинг Мумбай шаҳрида шахмат бўйича 6 жамоа иштирокида ўтган “Global Chess League” халқаро турнирининг ярим финал ва финал ўйинлари якунланди.

Кеча ўтган финал ўйинида мазкур турнирнинг амалдаги ғолиби "Triveni Continental Kings” “Alpine SG Pipers” жамоаси билан куч синашган бўлса, 3-ўрин учун кечган шиддатли ва ўзига хос драматик ўйинда Жавоҳир Синдоров дона сураётган “Ganges Grandmasters” жамоаси “PBG Alaskan Knights” жамоаси билан рўбарў келди.

Ҳаяжонли финал баҳсида “Alpine SG Pipers” тезкор шахмат бўйича ҳар иккала баҳсда ҳам амалдаги чемпион "Triveni Continental Kings”ни 4:2 ва 4,5-1,5 ҳисобида мағлуб этди. Учинчи ўрин учун баҳсда “PBG Alaskan Knights” жамоаси илк ўйинида Жавоҳир Синдоров жамоаси устидан 4:2 ҳисобида зафар қучди, иккинчи учрашувда 3.5-2.5 кўринишида “PBG Alaskan Knights” устунликка эришди. Асосий баҳсларда 1:1 ҳисобидаги дуранг қайд этилгандан сўнг иккала блиц тай-брейкда “Ganges Grandmasters” 4-ўрин билан кифояланди.

Мумбайдаги ўн кунлик муросасиз баҳслар сарҳисобига кўра, турнирда иштирок этган ТОП-10 талик кучли шахматчилар рўйхати эълон қилинди.

Ўтказилган баҳсларда иштирокчиларнинг кўрсаткичларига кўра, Алириза Фирузжа ТОП-10 таликда 26 балл билан етакчи сифатида қайд этилган бўлса, ҳамюртимиз Жавоҳир Синдоров 24 балл билан 2-ўринни эгаллади.

Якунда мазкур турнирнинг кейинги мусобақаси 2026 йил 2-13 сентябрь кунлари ўтказилиши эълон қилинди.

Т.Рўзиев, ЎзА