Өзбекстанда «жасыл» энергетикаға инвестиция салатын компаниялар 10 жылға мүлік және жер салығынан босатылады.

Мемлекеттік салық комитетінің хабарлауынша, Өзбекстанда 2026 жылға қарай жаңартылатын энергия көздерінің (ЖЭК) үлесін 25 пайызға дейін арттыру жоспарлануда. 

Осыған орай «жасыл» энергетиканы дамыту, жеңілдіктер беру арқылы осы саладағы кәсіпкерлерге қолайлы салықтық жағдай жасау қолдау табуда.

Компаниялар үшін жеңілдіктер:

Жаңартылатын энергия көздерінің құрылғыларын (номиналды қуаты 0,1 МВт және одан жоғары) орнатқаны үшін 10 жыл мерзімге мүлік салығынан босатылады.

Сонымен қатар, ЖЭК көздерінен (0,1 МВт номиналды қуаты және одан жоғары) құрал-жабдықтар орналасқан жер учаскелері 10 жыл мерзімге жер салығынан босатылады.

Халық үшін жеңілдіктер:

Қолданыстағы энергия ресурстары желісінен толығымен ажыратылған тұрғын үйлерде ЖЭК көздерін пайдаланатын тұлғаларға 3 жыл мерзімге мүлік салығы салынбайды. Сонымен қатар, олар 3 жыл мерзімге жер салығынан босатылады.