Вьетнамнинг Дананг шаҳрида ўтказилаётган таэквондо WТ бўйича катталар ўртасидаги Осиё чемпионатида терма жамоамиз олтин медални қўлга киритди.

Терма жамоамиз аъзоси Жасурбек Жайсунов 80 кг. вазндаги жангларда барча рақибини енгиб, Осиё чемпионига айланди. Ҳамюртимиз финал баҳсида эронлик Али Хушравешдан устун келди ва терма жамоамиз ҳисобига олтин медални тақдим этди.

Шунингдек, Диёрбек Тўхлибоев ҳамда Светлана Осипова ўз вазн тоифаларида бронза медалига сазовор бўлди. Шу тариқа мазкур чемпионатдаги медалларимиз сони биттадан олтин ва кумуш ҳамда 5 бронза медалига етди.

Жавоҳир Тошхўжаев, ЎзА