Жапонияның Тынық мұхиты жағалауында 7,4 балдық жер сілкінісі болды.

NHK телеарнасының хабарлауынша ең күшті жер сілкінісі Мияги және Фукусима префектураларында тіркелді - бұл жер сілкінісінен ең көп зардап шеккен аудандар. Мұнда кем дегенде екі адам қаза тауып, 92 адам аралдық елдің әртүрлі аймақтарында жарақат алған.

Табиғи апат салдарынан Тохоку желісінде Синкансен жүрдек пойыз рельстен шығып кеткен. Пойызда 100-ге жуық жолаушы болған: зардап шеккендер жоқ, барлығы қауіпсіз жерге көшірілген.

Премьер-министр Фумио Кисида 17 наурыз күні журналистерге зілзаладан зардап шеккен аудандардағы атом станцияларында ешқандай ауытқулар табылмағанын айтқан.