Жапонияның Кюсю аралында Сакурадзима жанартауы атқылап, аймақ қауіптілік деңгейін ең жоғары – бесінші деңгейге көтерді.

Ел метеорологиялық агенттігінің дерегінше, атқылау жергілікті уақыт бойынша 20:05-те тіркелген, күл мен түтін бағанасы 2,5 шақырым биіктікке көтерілген.

Метеорологтардың айтуынша, Кагосима қаласының Аримура және Фурусато аймақтары орналасқан кратерден 3 шақырым радиуста ірі жанартаулық тастардың құлау қаупі бар. Осы себепті Кагосима қаласы қауіптіліктің ең жоғары бесінші деңгейін жариялады.

Жапония премьер-министрі Фумио Кисида ақпаратты жинау және талдау, сондай-ақ жанартау атқылауынан кейін адамдарды қорғау шараларын қабылдауды бұйырды.

«Үш бағытта әрекет ету тапсырылды: ықтимал залал туралы деректерді дереу жинау, жергілікті әкімшіліктердің көмегімен тұрғындар мен альпинистерді эвакуациялау және залалдың алдын алу үшін барлық қажетті шараларды қабылдау, жанартау белсенділігіне мониторингті күшейту және дер кезінде жергілікті тұрғындарға ақпарат беру.», - деген ол.