Токио қаласындағы «Ginza» сарайында «Өзбекстан мәдениеті күндері» шараларының ашылу салтанаты өтті. Онда еліміздің танымал өнерпаздарының қатысуымен концерттік бағдарлама ұсынылды.

– Бұл жиын тек мәдени өміріміздегі маңызды оқиға ғана емес, сондай-ақ Өзбекстан мен Жапония арасындағы достық пен өзара құрметке негізделген қарым-қатынастардың тағы бір жарқын көрінісі, – деді мәдениет министрі Озодбек Назарбеков өз сөзінде. – Екі ел арасындағы байланыстар жылдан-жылға нығайып, саяси, экономикалық және әсіресе мәдени салаларда жүйелі түрде дамып келеді.

Концерттік бағдарламада Юнус Ражабий атындағы «Мақом» ансамблінің әншілері, «Тумор» би ансамблінің бишілері, Өзбекстанның халық әртістері Муножат Юлчиева, Зулайхо Бойхонова, Гүлсанам Мамазоитова, еңбек сіңірген әртістер Абдурашид Юлдошев, Ильяс Арабов, сондай-ақ «Нихол» сыйлығының лауреаты Умид Исроилов, «Зүлфия» атындағы мемлекеттік сыйлықтың иегері Шахноза Ёқубжонова және еліміздің Жапониядағы мәдениет елшісі Машу Комазаки өнер көрсетті.

Мәдениет күндері бағдарламасы аясында фотокөрме және бірқатар ресми кездесулер өткізу жоспарланған.