Жапонияның Кумамото өңірінде бортында үш адам болған туристік тікұшақ жоғалып кетті.

Бұл туралы The Japan Times басылымы хабарлады.

Мәліметке сәйкес, елдің Жер, инфрақұрылым, көлік және туризм министрлігі тікұшақтың ұшу бағыты Кумамотодағы Асо тауының үстімен жоспарланғанын мәлімдеген.

Министрлік тікұшақта ұшқыш пен Тайваньнан келген екі жолаушы болғанын растады.

Хабарлар қарағанда, әуе кемесі ұшу барысында апаттық сигнал жіберген, алайда белгіленген уақытта базаға оралмаған. Қазіргі таңда аталған аумақта іздестіру-құтқару жұмыстары басталды.