Жапониялық әлемдегі ең қарт әйел Канэ Танака 119 жасында қайтыс болды.

NHK телеарнасының хабарлауынша, Канэ Танака 1903 жылы дүниеге келген, екі дүниежүзілік соғыс пен бес императордың билігінің куәсі болған.

Ол 19 жасында тұрмысқа шығып, төрт баланы өмірге әкеліп, тағы бір бала асырап алған. Күйеуі мен ұлы Екінші дүниежүзілік соғысқа қатысқан, бір ұлы тұтқынға түсіп, 1947 жылы Жапонияға оралған.

Марқұм 103 жасына дейін жұмыс істеген болып, ол отбасылық дүкенді басқарды.

Ол 2019 жылдың наурыз айында планетадағы ең қарт адам ретінде Гиннестің рекордтар кітабына енді.

Өмірінің соңғы жылдарында Танака Фукуока префектурасындағы қарттар үйінде тұрды. Ол қаңтар айында 119 жасын атап өткен еді.