Жапонияның Миядзаки префектурасында найзағай түсіп, мектептегі футбол алаңында ойнап жүрген 16 адам зардап шекті.

«Kyodo» агенттігінің хабарлауынша, Оёдо Гакуэн Хошо лицейінде екі команданың жаттығуы кезінде болған оқиғадан кейін өрт сөндіру бөлімінің қызметкерлері оқу орнына дереу жеткен.

Жарақат алғандар ауруханаға жеткізілді, олардың екеуі ауыр халде. Найзағай соққан азаматтардың жүрек талмасына ұшырағаны, айтылады хабарламада.

Жапония метеорологиялық агенттігі (JMA) жылы және ылғалды ауа-райы төмен қысымды тудырып, жаңбыр бұлттарының жиналуына және найзағай болуынан ескерткен.