Жапония Өзбекстанға 4 жылжымалы медициналық контейнер жеткізеді.

Инвестициялар, индустрия және сауда министрлігінің хабарлауынша, министрі Л.Қудратов пен Жапония елшісі Хатори Такаши «Экономикалық және әлеуметтік даму бағдарламасы» аясында жүзеге асырылып жатқан 3 миллиард иен (6,3 миллион доллар) бойынша алмасу ноталарына қол қойды. 

Оған сәйкес, Өзбекстанға компьютерлік томография сканерлері, ультрадыбыс, рентген аппараттарымен жабдықталған қосымша 4 медициналық жылжымалы контейнер жеткізіледі. 

«Бұл бүкіл республика бойынша тиімді медициналық көмек көрсету мүмкіндіктерін арттырады», делінген хабарламада.

Ведомство дерегінше, компьютерлік томография бірқатар ауруларды диагностикалауда маңызды саналады. Жылжымалы медициналық контейнер кез келген жерде, соның ішінде төтенше жағдайлар кезінде де қызмет ете алатыны айтылған.