Жапондық мамандар «Barisha» халықаралық теңіз көрмесінде тұңғыш рет «Аккумуляторлы танкер» дизайнын таныстырды.

PowerX стартапы бүкіл әлем бойынша жаңартылатын энергияны жеткізуге арналған 96 қуатты батареясы бар кемеде жұмыс істеуде. Алғашқы кеме 2025 жылға дейін дайын болады, ал оның сынақтары 2026 жылға жоспарланған.

Ұзындығы 140 метрлік аккумуляторлық кеме 300 шақырым қашықтықты басып өте алады. Танкер бір рейс кезінде 241 МВт·с таза энергияны тасымалдай алады.

Компания, мұнай экспорты ауқымында кеме сыйымдылығы аз болып көрінуі мүмкін екенін айта келе, кеме болашақта көбірек батареялармен жұмыс істеуге мүмкіндік беретін «икемді дизайнға» ие екенін жеткізген.

Болжам бойынша, кеме порттарға кіріп, жергілікті инфрақұрылымды қуаттайды. Ол сондай-ақ теңіздегі жел электр станцияларына және құрлық немесе суасты кабельдеріне қол жеткізу қиын аймақтарға қызмет көрсете алады.