Жапонияда Денсаулық сақтау министрлігі 21 қаңтарда 5 пен 11 жас аралығындағы балаларға Pfizer компаниясының коронавирустық вакцинасын қолдануға рұқсат берді.

Kyodo агенттігінің мәліметінше, балаларға жаппай екпе салу 2022 жылдың наурыз айында басталады. Шамамен сегіз миллион бала вакцина алуға құқылы.

Бұл жас тобындағы вакцинаның дозасы ересектерге арналған дозаның үштен бірін құрайтын болып, олардағы активті ингредиенттер бірдей. Бірақ балалар бұл үшін арнайы әзірленген препаратпен вакцинацияланады.

Қазіргі уақытта коронавирусқа қарсы вакцина Жапонияда 12 жастан асқан азаматтарға ғана қолжетімді.