Осиё Олимпия кенгашининг 46-Бош Ассамблеясида Жанубий Осиё бўйича ООК Вице-президенти, Бутан Олимпия қўмитаси президенти Шаҳзода Жигйел Угйен Вангчук ҳам иштирок этмоқда.

Олий мартабали меҳмон ЎзА мухбирига интервью бериб, мазкур анжуман Тошкент шаҳрида ўтказилаётгани Ўзбекистоннинг халқаро спорт майдонидаги ўрни ва келгусида йирик спорт тадбирларини қабул қилиш салоҳиятига ижобий таъсир кўрсатишини таъкидлади.  

– Ассамблея Ўзбекистон учун катта имконият, чунки халқаро спорт жамоатчилигининг эътибори сизнинг гўзал мамлакатингиз, маданиятингиз, меросингиз ва спорт фаолиятингизга қаратилмоқда. Бугун кенгаш Бош Ассамблеяси доирасида 45 дан ортиқ давлатларнинг Миллий Олимпия қўмиталари вакиллари иштирок этмоқда. Ўзбекистон 2029 йилда Ёшлар Осиё ўйинларини ҳам қабул қилиши мамлакатда спорт сиёсатига оид қатор ишлар қилинаётганидан дарак беради. Мен бундан жуда мамнунман.  

Спортнинг таъсири жуда катта деб ҳисоблайман – у иқтисодиётга, маданиятга ва миллий ўзликка кучли таъсир кўрсатади. Бугунги кун нафақат Осиё Олимпия кенгаши, балки умуман спорт учун ҳам тарихий аҳамиятга эга бўлмоқда. Чунки ООКга янги президент сайланди. Бу муҳим воқелик ҳам Тошкентда ўтказилди.  

Қатар Олимпия қўмитаси президенти шайх Жавъан бин Ҳамад Ол Соний Осиё Олимпия кенгаши раиси этиб сайланди. Унинг етакчилиги келаси икки ярим йилда Осиёда спортнинг муҳим масалаларига хизмат қилишига ишонаман.  

<iframe width="412" height="732" src="https://www.youtube.com/embed/Mg7VQLn6HII" title="OOK Vitse-prezidenti: O‘zbekiston Yoshlar Osiyo o‘yinlarini qabul qilayotganidan mamnunman" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Беҳруз ХУДОЙБЕРДИЕВ,  

Улуғбек ТЎХТАЕВ (видео),  

ЎзА