Жанубий Корея ҳарбий-ҳаво кучларига қарашли KA-1 ҳужум самолёт Канвондо провинциясида ҳалокатга учради, учувчилар омон қолган, деб ёзмоқда Рёнхап агентлиги.

Ҳодиса Канвондо провинциясининг Хвенсон уюздида рўй берган. Икки учувчи катапульт орқали омон қолган, аҳволи яхши. Ўт ўчирувчилар уларни касалхонага олиб келган.

Енгил КА-1 ҳужум самолёти Жанубий Корея ҳарбий ҳаво кучлари учун Korea Aerospace Industries (KAI) компанияси томонидан яратилган. КА-1 енгил ҳужумларни амалга оширишга ҳамда нишонни аниқлашга мўлжалланган бўлиб қирувчи самолётларни ҳавода қўллаб-қувватлаши ҳам мумкин.