Қурбонлар йўқ, деб ёзмоқда Рёнхап Жанубий Корея ҳарбийлари берган маълумотларга таяниб.

Аввалроқ Америка ва Жанубий Корея Шимолий Корея томонидан учирилган ракеталарга қарши “ер-ер” синфидаги тўртта ракетани синовдан ўтказгани ҳақида хабар берилган.

Жанубий Корея ҳарбийларининг маълум қилишича, Hyunmoo-2 баллистик ракетаси учирилгандан кейин базага қулаб тушган. Агентликнинг таъкидлашича, соҳилга яқин жойда жойлашган Каннин шаҳри аҳолиси ўткир чақноқни кўриб, кучли гумбурлашни эшитган.
 
Рёнхап манбалари аниқлик киритишича, снаряд портламаган, балки ундаги порох ёниб кетган. Воқеа оқибатида ҳеч ким жабр кўрмагани айтилмоқда.