Корея республикасининг мухолифатдаги “Фуқаролар кучи” партиясидан президентликка номзод Юн Сок Ёль агар президент бўлиб сайланса Шимолий Кореянинг ядро таҳдидига қарши мамлакатнинг превентив зарба бериш қудратини ҳамда КХДРга қарши разведка имкониятларини оширишга ваъда берди. Сиёсатчининг Facebookдаги саҳифасида эълон қилинган мурожаатида шу ҳақда айтилади.

"КХДРнинг ракета учиришлари давом эттирилаётгани Корея Республикаси учун хавф туғдирмоқда. Бу бузғунчилик мамлакатимиз фуқароларининг ҳаётига ва уларнинг турмуш фаровонлигига таҳдид солади. Мен Kill Chain концепцияси доирасида огоҳлантирувчи зарба бериш ҳамда КХДРнинг барча ҳудудини кузатиб туришга қодир бўлган разведка имкониятларини оширишни таъминлайман", – дейилади мурожаатнома матнида. "Фақат Шимолни тутиб туриш учун ишончли бўлган куч ва восита Жанубий Кореяда тинчликни кафолатлайди", - дейди партия етакчиси.

Корея Республикаси Қуролли кучлари штаб бошлиқлари қўмитаси маълумотларига кўра, 2022 йил бошлангандан буён шу кунгача Шимолий Корея тўрт марта ракета парвозини, энг сўнггисини 14 январда амалга оширди.