Жанубий Кореянинг мухолифатдаги “Тобуро” демократик партияси етакчиси Ли Чжэ Мён Пусанга сафари чоғида ҳужумга учради, деб хабар бермоқда “Yonhap”.

Матбуот анжумани чоғида номаълум шахс сиёсатчининг бўйнига ўткир тиғли асбоб билан жароҳат етказган.

Мудҳиш воқеадан сўнг дарҳол Ли Чже Мёнга шошилинч тиббий ёрдам кўрсатилиб, Пусандан вертолётда Сеулдаги касалхонага етказилгани, жароҳат сиёсатчининг ҳаётига хавф туғдирмаслиги маълум қилинди.

 Ҳужум қилган шахс ўша заҳоти қўлга олинган.