Жанубий Африка Республикаси (ЖАР) суди сешанба куни мамлакатнинг собиқ президенти Жейкоб Зумани судга ҳурматсизлик қилганликда айблаб 15 ойлик қамоқ жазосига ҳукм қилди, деб хабар берди маҳаллий Times Live нашри.

Айблов Зуманинг давлатни эгаллаб олиш бўйича ишни текшираётган комиссия қаршисида ҳисобот бериш тўғрисидаги конституцион суднинг кўрсатмасини бажармаганлиги билан боғлиқлиги айтилмоқда. Зума мазкур комиссия қаршисида 15-19  февраль кунлари ҳисобот бериши керак эди. "Суд Зумани 15 ойга қамоққа олиш ҳақида ҳукм чиқарди", – деб ёзади мазкур нашр.

Май ойида Зума судга ўзининг айбсизлигини таъкидлаб, қурол сотиб олиш бўйича давлат шартномасини имзолашда коррупция, товламачилик ва фирибгарликка йўл қўймаганлигини таъкидлаган эди.

(С.Раҳимов)