“Ҳудудгаз Бухоро” газ таъминоти филиалида “Ҳудудгазтаъминот” АЖнинг 2023-2025 йилларга мўлжалланган жамоа шартномасининг 2025 йилдаги ижроси юзасидан меҳнат жамоасининг кенгайтирилган анжумани бўлиб ўтди.

Жамоа шартномасининг 2025 йилдаги бажарилиши тўғрисида газ таъминоти филиали директори Ўткир Файзиев ҳамда бошланғич касаба уюшмаси раиси Отабек Мираковнинг ҳисоботи тингланди.

Ҳисоботларда ходимларнинг меҳнат шароитларини яхшилаш, иш жойларида хавфсизлик техникаси талабларига риоя этилишини таъминлаш, ижтимоий ҳимояни кучайтириш, моддий ва маънавий қўллаб-қувватлаш тизимини такомиллаштириш, шунингдек, иш самарадорлигини ошириш борасида амалга оширилган аниқ чора-тадбирлар ҳақида батафсил маълумотлар келтирилди.

Шу билан бирга, “Ҳудудгазтаъминот” АЖнинг 2026-2028 йилларга мўлжалланган жамоа шартномаси лойиҳаси муҳокама қилинди.  

Жамоа шартномасининг сифатли ва самарали ижросини таъминлаш мақсадида келгусида амалга оширилиши лозим бўлган устувор вазифалар белгиланиб, аниқ режалар ишлаб чиқилди.  

Зариф Комилов, ЎзА мухбири