Япониянинг "Tokyo Electric Power" (TEPCO) компанияси Кашивазаки-Карива ядро электр станциясидаги 6‑реактори фаолиятини бирданига тўхтатишга мажбур бўлди.

 Қурилма атиги бир кун аввал тахминан 14 йиллик танаффусдан сўнг ишга туширилганди. Маълум бўлишича, назорат қисмини ишлатиш жараёнида огоҳлантирувчи қўнғироқ чалинган ва компания техник носозлик сабабини аниқлаш учун реактор фаолиятини тўхтатишга қарор қилган.
Станция бошқарувчиси Такеюки Инагаки журналистларга юзага келган ҳолат сабабини пухта текшириш зарурлигини айтган. Олдинроқ TEPCO назорат панелидаги электр компонентларини алмаштирган бўлса-да, муаммо бартараф бўлмаган. Қайта ишга тушириш муддати ҳозирча номаълум.

Бу воқеа Фукусима инқирозидан сўнг кун чиқар юртда илк бор 6‑реакторни ишга тушириш амалиётини кескин қийинлаштирди. TEPCO акциялари шу куни 3,5 фоиз арзонлашган. Ядро хавфсизлиги ва техник текширув масаласига жаҳон миқёсида кучли эътибор қаратилаётган бир пайт бу ҳодиса энергия саноатида жиддий хавотир уйғотди.

Мусулмон Зиё, ЎзА