ФОТОРЕПОРТАЖ

Ўзбекистон Миллий олимпия қўмитасида оғир атлетика бўйича Норвегияда ўтказилган жаҳон чемпионатининг ғолиб ва совриндорларини тақдирлаш маросими бўлиб ўтди.  

Тадбирда Спорт вазирлиги, Миллий олимпия қўмитаси ва мамлакат оғир атлетика федерацияси раҳбарияти, спортчилар ва оммавий ахборот воситалари ходимлари иштирок этди.

[gallery-25936]

Дунё биринчилигида 3 та олтин медални қўлга киритиб, -110 кг. вазн тоифасида мутлақ чемпионликка эришган Акбар Жўраев тегишли ҳукумат қарори асосида «Президент совғаси» – BYD автомобили ҳамда бир марталик пул мукофоти билан тақдирланди. Шунингдек, мазкур йўналишда 2 та бронза медалига сазовор бўлган Руслан Нуруддинов ва спортчиларимизнинг мураббийларига ҳам пул мукофоти топширилди.

Муҳаммад АМИН (сурат), ЎзА